Խուլի այծերը
Աթաբեկ Խնկոյան
Մի խուլ մարդ երեք այծ ուներ: Մեկի պոզը կոտրած էր: Ինչպես է լինում, մի օր այծերը կորում են: Տերն ընկնում է դես դեն այծերն գտնելու:
Նա պատահում է մի ուրիշ խուլ մարդու՝ վար անելիս, և հարցնում է.
– Բարի աջողում, ապեր, այծերս չե՞ս տեսել:
– Լավ է՝ այսպես ցանեմ, – ձեռը մի կողմ թափ տալով պատասխանում է վար անողը:
Այծատերը կարծելով, թե դեպի ցույց տված կողմն են գնացել այծերը ասում է.
– Թող երկինքը վկա լինի, թե գտա այծերս, պոզը կոտրածը քեզ եմ տալու:
Ասում է և գնում այծերը որոնելու: Այծերը գտնելով՝ ուրախ – ուրախ առաջն արած, քշում բերում է արտավարի մոտ և ասում.
– Շնորհակալ եմ, ախպեր, այծերս գտա, առ այս այծն էլ քեզ, – ու պոզը կոտրած այծը քշում է դեպի նա:
– Ես չեմ կոտրել դրա պոզը, ես տեղեկություն չունեմ, զարմանալով ասում է արտավար խուլը:
– Ինչ ես խոսում, – ասում է այծատերը, – ես այս այծն եմ խոստացել, որ մեռնես մյուս այծերից տվողը չեմ:
– Չէ, ես չեմ կոտրել, բարկացած ասում է մեկը:
– Չէ, ես էս այծն եմ խոստացել, – կրկնում է մյուսը: Սա նրան, նա սրան, բանը հասնում է տուրուդմբոցի: Վերջն էլ գնում են քյոխվի մոտ գանգատ: Գյուղը չհասած սրանց հանդիպում է մի պառավ կին, նույնպես խուլ և հարսի ձեռքից փախած:
– Ա՛յ նանի, – ասում է այծատերը, – իմ այծերը կորել էին, գնացի, էս մարդուն հարցրի, սա էլ այծերիս տեղը ցույց տվեց: Պոզը կոտրած այծս տալիս եմ սրան, չի վերցնում, ես էդ այծն եմ խոստացել, որ մեռնի էլ, մյուս այծերից տվողը չեմ:
– Այ նանի, – ասում է խուլ մարդը,- էս օտարականն եկել ասում է, թե այծիս պոզը դու ես ջարդել: Թող ձեռքս ջարդվի, թե ես էդ բանից տեղեկություն ունեմ:
– Է՜, որդիքս, ձեր արևն ապրի, պատասխանում է խուլ պառավը, – ինչ էլ ուզում է լինի, ես ձեր խնդիրը չեմ կարող կատարել, քանի որ էն չարամիտ անզգամ հարսը տանն է, ես էն տունը ոտ կոխողը չեմ ու չեմ:
Հարցեր և առաջադրանքներ
- Հեքիաթի դեպքերը հերթականությամբ թվարկի՛ր։
Խուլը կորցնում է այծը։ Գնում Է - փնտրելու: հանդմիումեը մի խուլ մարդու։ Իրար սխալ են հասկանում և վիճում մինչև վերջ։
- Նշի՛ր այն հատվածը, որը քեզ դուր եկավ։ մույս խուլմարդ չ լսեով սկսումե խոսել արտը ցանելուց։
- Տեքստից դուրս Գրի՛ր ի՞նչ հարցին պատասխանող բառեր և դարձրո՛ւ հոգնակի (շատացրու): Օրինակ՝ այծ(ի՞նչ)-այծեր(ինչե՞ր)
| Ի՞նչ | Ինչե՞ր |
| Մարդ | Մարդիկ |
| Այծ | Այծեր |
| Տեր | Տերեր |
| Օր | Օրեր |
| պոզ | պոզեր |
| Գանգատ | Գանգատներ |
| Գյուղ | Գյուղեր |
Շարունակի՛ր հորինել.(Հորինածդ նկարիր Paint – ծրագրով, վերնագրիր և տեղադրիր բլոգում)
Մի պառավ երեք խուլ այծ ուներ։ Մի օր պառավը կորավ: նա կանչում Էր իր այծերին, բայց նրանք իրեն չէին լսում։ Հետո այծերը գնացին բժիշկի մոտ և բժիշկը իրանց բուժեց: Նրանք սկսեցին լսել ու գտան պառավին։
